GEORGE NUUS - Die George-munisipaliteit se winternoodplan is in plek indien enige rampe soos swaar reënval en stormwinde George sou tref.
Alhoewel geen erge skade aangemeld is tydens Dinsdagaand se swaar reënval nie, moes die departement siviele ingenieurswese as deel van die winternoodplan hulp verleen aan inwoners van twee huise, onderskeidelik in Maraiskamp en Blanco toe geringe waterskade daar aangerig is.
Die waarnemende hoof van gemeenskapsveiligheid, Barend Nelson het gesê geen verdere klagtes is ontvang nie.
Volgens Nelson dek die winternoodplan alle moontlike scenarios wat gedurende die winter mag ontstaan. Dit sluit in skade as gevolg van rukwinde, erge reën en onstuimige seë.
"As deel van die plan kan korttermyn huisvesting en voedsel aan slagoffers van rampe voorsien word. Elke direktoraat binne die munisipale bestuurstelsel het 'n plan in plek en eksterne instansies is ook rolspelers in die uitvoering daarvan."
ARTIKEL: CHRISTO VERMAAK, GEORGE HERALD-JOERNALIS
No comments:
Post a Comment