MOSSELBAAI NUUS - Die liggaam van 'n 28-jarige man wat vroegoggend op 1 Januarie by die Souweisastrand tussen Groot-Brakrivier en Klein-Brakrivier in die see verdwyn het, het vandag by Hershamstrand uitgespoel.
Hoewel die NSRI Mosselbaai, die Metro Mediese Nooddienste (EMS), die SAPD en Mosselbaai Nooddienste, asook 'n helikopter op die noodoproep reageer het, kon Elmar Junies van Groot-Brakrivier nie gered word nie. Sy liggaam kon ook nie op die dag van sy verdrinking opgespoor word nie.
Volgens die ondersoekbeampte het Elmar sy arms gewaai toe dit blyk dat hy in die moeilikheid beland het en dat seestrome hom dieper die water ingetrek het. Die see was baie ontstuimig. Niemand kon hom egter help nie en volgens Dawie Swiegelaar, stasiebevelvoerder van die NSRI Mosselbaai, was daar geen teken van Elmar tydens hulle soektog nie.
"Polisieduikers is ook na die toneel ontbied, maar kon ook nie die drenkeling opspoor nie."
- Mossel Bay Advertiser
No comments:
Post a Comment