Brandbestryders van die Kaapse Wynland het hulle kommer uitgespreek oor nog skade aan eiendom, indien die brand in die Slanghoekvallei naby Worcester in die Boland verder versprei. Dit volg nadat twee strukture vroeer in die brand beskadig is wat reeds sedert Saterdagnag in die gebied woed. Plaaseienaars in die omgewing het vroeer begin om hulle plase vrywillig te ontruim en die Bainskloofpas tussen Wellington en Ceres is weens swak sig vir verkeer gesluit. Sowat 170 brandbestryders met 22 brandweerwaens en drie helikopters het die naweek probeer om die brand onder beheer te bring. 'n Woordvoerder van die brandweer, Roysten Harris sê duisende hektaar fynbos is vernietig. Minimale skade is egter aan wingerde aangerig en geen berigte van beserings is tot dusver ontvang nie.
- RSG Nuus
No comments:
Post a Comment