Johannesburg – ‘n Mynwerker is by Harmony Gold se westelike skag langs die Bambanani-myn in die Vrystaat dood, het die maatskappy Maandag gesê.
Alle aktiwiteite is gestaak totdat ondersoeke na die voorval, wat Sondag plaasgevind het, voltooi is, het die myn in ‘n verklaring gesê.
“Die ongeluk het plaasgevind terwyl geskeduleerde instandhouding op die westelike skagtoring gedoen is om te verseker dat erts uit die beplande Banbanani-pilaar en Steyn 2-pilaar ontgin kan word.”
Harmony se uitvoerende hoof, Graham Briggs, het sy medelye aan die mynwerker se familie betoon namens sy bestuurspan.
Die myn wou geen verdere besonderhede oor die voorval bekendmaak nie.
- SAPA/Nuus24
No comments:
Post a Comment