Die brand het Sondag omstreeks 12:45 op die plaas van Larry Markus uitgebreek. Dit blyk dat 'n groep kinders die brand veroorsaak het terwyl hulle vuur gemaak het om 'n swerm bye uit te rook en die heuning uit te haal.
Volgens nooddienspersoneel wat op die toneel was het die vuur baie vinnig versprei en was daar gevaar dat twee skure naby die brand ook kon vlamvat. Die skure is vol lusernbale en plaasimplimente. Daar is ook 'n aantal arbeidershuise op die stuk grond waar die vuur uitgebreek het.
Die brandweersdienste waarsku dat die droë warm weer en gepaardgaande winde groot gevaar vir brande inhou en maan die publiek om uiters versigtig te wees met oop vure.
- Oudtshoorn Courant
No comments:
Post a Comment