GEORGE NUUSFLITS - Groot gedeeltes van George se sake- en residensiële areas gaan op 'n weeksdag vir 10 ure sonder krag wees.
Die George-munisipaliteit se direkteur van elektrotegniese dienste, Kevin Grünewald, het vandag gesê dat Eskom op Maandag 21 Mei van 06:00 tot 16:00 noodsaaklike werk aan hul oorhoofse kraglyn sal doen.
"Ons is jammer vir die ongerief, maar dit is onvermydelik aangesien werk aan die hooftoevoer met veiligheid gedoen moet word," het Grünewald gesê.
Die beplande kragonderbreking sluit in die Garden Route Mall, Oostelike-uitbreiding, Eden, Bergsig, Genevafontein, Denverpark, Loeriepark, 'n gedeelte van Denneoord, Glenwood, Victoriabaai, Saasveld en Kraaibosch.
- George Herald
No comments:
Post a Comment