Johannesburg - In 'n vreemde voorval Saterdagmiddag op die N12 sowat 15 km buite Kimberley het 'n bakkie met 'n sleepwa aan die brand geslaan toe 'n motoris glo 'n brandende sigaret uit sy venster gegooi het en dit op die bakkie se enjinrooster beland het.
Die bakkie se bestuurder het opgemerk dat rook voor by die masjienkap uitborrel en vinnig van die pad getrek.
Enkele minute later het die voertuig aan die brand geslaan.
Die drie insittendes kon wegkom en is nie beseer nie, maar hulle moes hulpeloos toekyk hoe die bakkie brand.
Brandbestryders het die vuur later geblus. Die motoris wat die sigaret uit sy voertuig gegooi het, het weggery.
- NUUS24
No comments:
Post a Comment