’n Nuwe munisipale verordening wat bepaal dat daar op motoriste se selfone beslag gelê kan word as hulle dit gebruik terwyl hulle bestuur, tree op 1 Julie in Kaapstad in werking.
JP Smith, burgemeesterskomiteelid vir veiligheid en sekuriteit, het verduidelik dat dié stap noodsaaklik geword het omdat mense hulle nie meer aan boetes steur nie.
“Ons het ’n proses in plek om te verseker dat mense hul selfone veilig terugkry.
“Die selfone sal ingeboek word en in ’n verseëlde sak in ’n pakkamer gehou word totdat die eienaars dit kom haal.”
’n Selfooneienaar sal sy of haar identiteit moet bewys voordat dit aan hulle terugbesorg word. Motoriste sal vir eers niks hoef te betaal om hul besittings terug te kry nie.
Tussen 3 000 en 8 000 motoriste word maandeliks in die Wes-Kaap beboet omdat hulle hul selfone in die verkeer gebruik.
- Beeld
No comments:
Post a Comment