OUDTSHOORN NUUS - 'n Hewige donderstorm met swaar reën en gepaardgaande
sterk wind het Dinsdagaand boomtakke afgeruk en 'n paar KKNK-tente
platgevee.
Die storm het dele van Oudtshoorn vir etlike ure sonder krag gelaat.
Plase in die Rooiheuwel-omgewing was Woensdagoggend teen 07:00 steeds
sonder krag. Weerlig het twee palmbome in Steynstraat aan die brand
geslaan terwyl lede van 'n produksiespan by die Johnny Biskit-saal moes
bontstaan om te keer dat hulle toerusting beskadig word.
Die swaar reën wat slegs 'n paar minute geduur het, het water deur die saal laat stroom.
By die Rivierbuurt waar uitstaltente reeds opgeslaan is het die wind van
die tente platgewaai, maar sover vasgestel kon word is geen ernstige
skade aangerig nie.
- Oudtshoorn Courant
No comments:
Post a Comment