Parys - Twee kinders in Tumahole naby Parys in die Vrystaat is Vrydag dood nadat hulle vermoedelik 'n giftige stof ingeasem het. Polisie woordvoerder Khehla Sitole sê 'n 3-jarige seuntjie en sy 1-jarige suster het na bewering in hul huis gespeel terwyl hul ma buite die huis was. Die twee het glo 'n bottel wat vermoedelik gif ingehad het in die hande gekry, die walms ingeasem en flou geword. Die ma het haar kinders na 'n plaaslike kliniek gehaas, maar hulle is albei met hul aankoms dood verklaar. 'n Verpleegster van die kliniek wat na die huis is om die giftige vloeistof te ondersoek het ook daarvan ingeasem en is na 'n hospitaal in Vereeniging gehaas. Sitole sê die bottel gif sal forensiese toetse ondergaan om die inhoud daarvan te bepaal.
- OFM
No comments:
Post a Comment